互联网+粤文化
羊记杂货铺:为你发掘众多有故事的本土文创……
发新帖
详细内容

未打过边炉,不足以谈友谊!

阿爆 发表于 2017-11-13 |2条回复 |1473次浏览

更多
人人都话,广州唔存在秋天。只需要瞓一觉,就可以从30度嘅盛夏穿越到10度以下嘅寒冬!如果夹硬话有秋天,可能就系天光前嗰两个钟。

不过,今年嘅秋天特别长,原本嘅“一夜一次郎”,今年竟然撑咗足足一个月!广州人都好惊喜,因为我哋终于体会到着秋装系咩感觉!

以往熟悉的记忆
image001.jpg



有外省朋友问我,为什么你们广州人这么喜欢冬天?整天预测什么时候入秋入冬!

查实,边有广州人钟意天气冻!但系广州人又确实好期待秋天冬天,因为有一件事,呢个时候做先唔会畀人话“黐线”!

image002.jpg


打边炉,正写为“打甂炉”。

“甂”为古字,音同“边”。《说文解字》曰:“甂,似小瓿,大口而卑,用食”;《汉语大字典》释为“小瓦盆”。

PS:打边炉有“人在炉边,围炉而食”之意,更能体现广东人对打边炉嘅喜爱,因此,以下写为“打边炉”。

01

“火锅”早喺明朝已经十分流行,明朝宋诩嘅《宋氏养生部》记载:“生爨羊”、“熟爨牛”都系火锅菜式。清代,火锅唔止民间盛行,更成为达官贵人至爱。

传入岭南地区之后,经过广府食客改良,成为广府饮食文化嘅重要一环——打边炉。

image003.jpg


各地火锅操作上大同小异,都系用滚汤烫熟食材,区别在于汤底、食材同蘸料嘅差异。

广府人打边炉,食材丰富、取料讲究。一般会用骨头汤、肉汤或鸡汤做汤底。食材种类繁多,但始终围绕一个原则,新鲜!

image004.jpg


对于蘸料,潮汕牛肉火锅偏爱西芹粒+沙茶酱;偏好清淡嘅人,简单姜葱蒜加豉油,同样可以为新鲜食材嘅质感提升上另一个档次(蘸料并冇标准,完全睇个人口味同偏好)。

02

广府人对打边炉情有独钟。

岭南地区夏季炎热,但秋冬嘅湿冷更加百般折磨,而打边炉就可以帮你由内而外咁彻底驱寒。猪骨、鸡熬成汤底,配上新鲜羊肉、牛肉,秋冬进补实为佳品!

image005.jpg


但系,“进补”只系一个借口。

比打边炉更重要嘅,系同死党你一句,我一句,吐槽生活嘅不堪;你一嚿,我一嚿,唔使食餐饭都争来争去;你一啖,我一啖,兴起时候嘅干杯饮胜;

image006.jpg


朋友同我讲过,未打过边炉,不足以谈友谊!

一班死党打边炉,虽然唔及《无间道》几个大佬咁有型有味,唔似《雷霆扫毒》一班人聚埋一齐都要打边炉,都唔似《使徒行者》钉姐同卓sir次次见面都系海鲜火锅,但随住渌嘅食材越来越多,友情就同汤底一样,越嚟越浓!

image007.gif


03

虽然话,未打过边炉,不足以谈友谊!但系每次打边炉都总会发生一啲“影响友谊(甚至爱情)”嘅事。

打边炉有打边炉嘅礼仪。忽视礼仪,唔单止会破坏食材嘅美味、影响同枱死党嘅胃口,更重要嘅系,你一啲都唔尊重“打边炉”呢项传统嘅社交活动

image008.jpg


以下行为,请对号入座!
1、粒声唔出,点咗鸡子猪脑大肠。粒声唔出,全部落晒,阵味...
2、直接将粒牛丸丢入水,啲热水溅到周围都系,仲辣亲人!
3、不断指导其他人,肥牛渌几秒最好食。
4、一言不发,两耳不闻窗外事,专心食嘢。
5、自己唔郁手渌,专食其他人渌好嘅嘢。
6、最抵死嘅,好唔要面咁食咗最后一粒牛丸。

如果你提议去打边炉,但系死党摇摇头纷纷拒绝,咁你就要好好反省下有冇做过以上嘅行为喇。无谓搞到人人都唔想同你打边炉,得返一支公,食冒菜定麻辣烫?

image009.jpg


天气越嚟越冻,都越嚟越啱打边炉。系时候约埋三五知己,一齐打边炉嘞!有人话,你想打边炉嗰阵,第一时间想约嘅人一定对你好重要!你嘅嗰个人系边个?

充满江湖味炭火边炉、新鲜味浓嘅牛肉火锅、清新滋补嘅椰子鸡煲、清汤麻辣任拣嘅鸳鸯锅、自己食自己嘅九宫格...

每一次打边炉都系一个美好嘅回忆,关于打边炉,你又发生过咩难忘嘅故事?
关注羊城网

更多
微信扫一下,传播粤文化
soonl 发表于 2017-11-13 14:39:09 ( 加好友 |打招呼 |发消息 )
打边炉一班人一齐滚滚下,气氛特别好!
回复

使用道具 举报

漫画吧 发表于 2017-11-13 14:42:07 ( 加好友 |打招呼 |发消息 )
最怀念既系细个嗰阵屋企人打边炉,一屋人有讲有笑,就算只用清水渌鱼片、鱿鱼、鸡、菜,都食得开心。依家反而一家人食餐饭都好难约齐人。
回复

使用道具 举报

发新帖
您需要登录后才可以回帖 登录 | 注册

120 秒后自动关闭


羊城网改版说明及访问旧版的方法


创办于2000年12月26日的羊城网,从中国互联网的普及开始,就一直陪伴了无数的广州网友一起成长,至今已经整整十八年。

在广州本土的网络媒体之中,当无数的前辈、同辈、乃至后辈已经逐渐凋零于互联网的历史之中时,羊城网却是依然屹立不倒——我们走过了电子邮件列表的时代、论坛社区的时代、博客的时代、社交媒体的时代,直至迎来了移动互联网的时代!

因此,我们在2018年3月1日开始对羊城网进行了十八年来的第八次改版,此次改版的目的是为了因应政府对互联网管理的政策要求和适应移动互联网时代技术的发展需要。直至2018年3月25日,羊城网的改版工作基本完成。

在2012年设计开发的旧版羊城网将会迁移到www.gznf.cn域名下,但为了降低管理和维护成本,将更多的资源投放在新版上,我们在旧版羊城网关闭了新用户注册功能,并停止对程序和数据的维护,但网友仍可继续访问和自行备份曾发表在旧版网站内的内容。如造成不便之处,敬请大家理解!

现在,就让我们体验一个全新改版的羊城网吧!立刻点击:www.gznf.net

Copyrigh 2016 羊城网 All Rights Reserved.   

回顶部