互联网+粤文化
羊记杂货铺:为你发掘众多有故事的本土文创……
发新帖
详细内容

30年前嘅《富贵逼人》,现代人嘅真实写照!

阿爆 发表于 2017-6-20 |2条回复 |9271次浏览

更多
七、八十年代,香港有好多卖座嘅系列电影,至今都被奉为经典。其中「最佳拍档系列」同「五福星系列」简直系龙争虎斗!

为咗避免恶性竞争、为咗大牌明星唔伤和气,两边嘅电影公司都达成共识,错开两个系列电影嘅上映时间(例如今年《五福星》上映,《最佳拍档》就下年上映)。

QQ图片20170620121850.png


「最佳拍档系列」:新艺城影业公司
「五福星系列」:嘉禾电影公司

但好可惜,今日要同大家安利嘅并唔系《五福星》同《最佳拍档》,而系完美描述呢个社会“对金钱的态度”嘅「富贵逼人系列」!

QQ图片20170620121915.png


「富贵逼人系列」:《富贵逼人》、《富贵再逼人》、《富贵再三逼人》

《富贵逼人》系列,同一个套路,拍咗三部,标叔同肥姐穷足一世,但每次都会行狗屎运中六合彩头奖,又每次都会因为一啲无厘头嘅原因冇晒啲钱!

例如:银行执笠...

QQ图片20170620121925.png


但系,点解话《富贵逼人》完美描述呢个社会“对金钱的态度”?

你贪唔贪钱?贪!

QQ图片20170620121933.png


你想唔想有钱?想!

QQ图片20170620121942.png


你钟唔钟意钱?钟意!

QQ图片20170620121951.png


有朋友睇完之后问我:一屋都系贪钱人啫,有咩咁好睇?
我回复呢位朋友:如果你只系睇到“贪钱”,唔该你认真睇多次!

《富贵逼人》里面唔止描述人有几贪钱,更加表达咗,我哋应该用乜嘢态度去看待金钱、以及金钱会带来嘅所有嘢(无论好坏)!

QQ图片20170620121959.png


讲返剧情!

标叔喺戏里面,同依家啲“废青”冇乜分别,虽然有返工,但系日日都hea住做,仲得罪埋女魔头上司,连份工都hea冇埋...

QQ图片20170620122007.png


肥姐系家庭主妇,三个女都冇工作能力。作为家庭支柱嘅标叔冇咗份工,经济压力当场成吨咁嚟!

QQ图片20170620122017.png


但就喺最绝望嘅时候,第一次狗屎运话嚟就嚟!烂赌嘅肥姐居然中咗六合彩!头!奖!一千九百万港币!(《富贵逼人》1987年上映,计返通胀,购买力应该系依家嘅几十倍!)

QQ图片20170620122024.png


“有钱就身痕”,中咗六合彩,连觉都唔瞓,意淫有钱人嘅生活!

QQ图片20170620122032.png


人哋话“富不过三代”,标叔一家人仲阴公,喺戏里面连30分钟都富唔过。一千九百万奖金存入细佬介绍嘅银行,点知间银行执笠,所有存款都冇晒...

QQ图片20170620122040.png


而且衰开有条路,大女嘅男朋友曾志伟一时冲动,被几个兄弟说服咗,绑架细女招弟。不过到最后当然都系大团圆结局,细女平安返嚟,曾志伟冇畀警察拉。

QQ图片20170620122049.png


《富贵逼人》第一部到呢度就结束了,第二、三部续用第一部嘅套路:冇钱变有钱,有钱变返冇钱,反反复复。

身边睇过《富贵逼人》嘅朋友,大部分都有呢位豆瓣网友嘅感觉。

QQ图片20170620122100.png


但系依家,《富贵逼人》成为咗绝大部分中国人嘅真实写照!

有几多亲戚,唔重情,净睇钱?

QQ图片20170620122108.png


有几多人,为咗份工战战兢兢?

QQ图片20170620122116.png


有几多人,为咗悭一个几毫,筋疲力竭?

QQ图片20170620122125.png


有几多人,日日返工都逼到只狗咁?

QQ图片20170620122134.png


生活艰难,时来运到当然好,但系都唔可以强求,始终都要脚踏实地,靠自己双手搵食!如果觉得攰、顶唔顺,咪返屋企食餐饭,饮碗汤咯!

QQ图片20170620122143.png


BTW,如果想要高清资源,
可以搵羊城网 阿爆

QQ图片20170620122153.png
关注羊城网

更多
广东新生代搞笑生活记录,梗有一篇引爆你共鸣!
四季虫 发表于 2017-6-20 12:28:25 ( 加好友 |打招呼 |发消息 )
经典好片,好好笑,可惜两位主演都已经仙逝了
回复

使用道具 举报

漫画吧 发表于 2017-6-20 12:29:56 ( 加好友 |打招呼 |发消息 )
肥姐和标叔演技精湛
回复

使用道具 举报

发新帖
您需要登录后才可以回帖 登录 | 注册

120 秒后自动关闭


羊城网改版说明及访问旧版的方法


创办于2000年12月26日的羊城网,从中国互联网的普及开始,就一直陪伴了无数的广州网友一起成长,至今已经整整十八年。

在广州本土的网络媒体之中,当无数的前辈、同辈、乃至后辈已经逐渐凋零于互联网的历史之中时,羊城网却是依然屹立不倒——我们走过了电子邮件列表的时代、论坛社区的时代、博客的时代、社交媒体的时代,直至迎来了移动互联网的时代!

因此,我们在2018年3月1日开始对羊城网进行了十八年来的第八次改版,此次改版的目的是为了因应政府对互联网管理的政策要求和适应移动互联网时代技术的发展需要。直至2018年3月25日,羊城网的改版工作基本完成。

在2012年设计开发的旧版羊城网将会迁移到www.gznf.cn域名下,但为了降低管理和维护成本,将更多的资源投放在新版上,我们在旧版羊城网关闭了新用户注册功能,并停止对程序和数据的维护,但网友仍可继续访问和自行备份曾发表在旧版网站内的内容。如造成不便之处,敬请大家理解!

现在,就让我们体验一个全新改版的羊城网吧!立刻点击:www.gznf.net

Copyrigh 2016 羊城网 All Rights Reserved.   

回顶部