互联网+粤文化
羊记杂货铺:为你发掘众多有故事的本土文创……
发新帖
详细内容

以前冇空调,广州夏天我哋系咁过嘅……

漫画吧 发表于 2015-8-4 |7条回复 |2576次浏览

更多
广州天气真係热到飞起,太阳晒到地面都兴合合。巴不得匿喺空调房里面永远都唔出嚟,真係无法想像冇空调嘅日子!

咁以前嘅广州人,冇空调嘅日子,佢哋係点样过嘅呢?

瞓竹席

竹席,可以话系从旧时到宜家,夏天都离唔开嘅物品。以前未有空调,爸爸妈妈最钟意喺竹席上面抹一次冻水,再将我哋“摆”上去玩,玩攰咗就直接喺上面瞓,一夜好梦。

QQ图片20150804114834.png


食西瓜

西瓜可以消暑,但係以前唔係个个都有冰箱,冇冰箱雪住,噉点食西瓜先会冰凉呢?旧时嘅人,会将西瓜用麻绳扎住,再吊入井水里面,过一晚,西瓜就会好似放过喺冰箱里面咁冰凉噶啦。

QQ图片20150804114843.jpg


抱冬瓜

以前老广州们未有空调嘅时候,夏天热瞓唔着,就会将冬瓜洗干净,揽住嚟瞓,真係可以降温!冬瓜唔使好大只,十几斤就够噶啦。新鲜嘅冬瓜用十几日到二十日都冇问题添。

QQ图片20150804114852.jpg


大葵扇

除咗冬瓜、竹席之外,葵扇都係广州人嘅夏天必备物品!一到夏天,老广们就会搭把竹凳出屋外,排排坐,吹下凉风,再攞起把大葵扇扇风,倾下偈,就咁过一日。

QQ图片20150804114859.png


防空洞

以前屋企附近有防空洞嘅,细路仔就会成群结队一齐入防空洞里面玩,因为黑,仲会成日吓人。而大人就好钟意喺防空洞门口坐,会好凉爽。

QQ图片20150804114907.png


食雪条

雪条几时都係夏天最好卖嘅嘢,以前雪糕冇宜家品种咁多,价钱都唔贵,5毫纸就有一条,1蚊1条嘅都算奢侈。水果味雪条、五羊红绿豆批、蛋奶批、红绿灯……宜家有啲已经“绝种”啦。

QQ图片20150804114915.png


落河玩

以前细细个,夏天成日打大赤勒,特别係男仔,基本日头都係“裸奔”。一返到乡下,就同其他小伙伴一齐跳入河玩水,又可以捉虾、泼水,不知几开心。

QQ图片20150804114924.png


食绿豆沙

绿豆可以消暑,就算到宜家一到夏天,屋企人都会成日煲。以前未有咁多鲜芋仙、仙芋世家呢啲甜品店,广州人就净係得绿豆沙、豆腐花呢D嘢食,好平就有一碗,一样食得好滋味。

QQ图片20150804114933.png

更多
广东新生代搞笑生活记录,梗有一篇引爆你共鸣!
硬派吉普 发表于 2015-8-4 17:12:27 ( 加好友 |打招呼 |发消息 )
嗯无错,好有童年回忆。
回复

使用道具 举报

逆天行 发表于 2015-8-4 19:40:19 ( 加好友 |打招呼 |发消息 )
記得好清楚,當年邊有依家咁熱
回复

使用道具 举报

无所萦怀 发表于 2015-8-4 21:19:09 ( 加好友 |打招呼 |发消息 )
你第一张照片嘅竹席就失真啦,嗰时边有咁嘅竹席啊!
回复

使用道具 举报

luster 发表于 2015-8-5 14:00:13 ( 加好友 |打招呼 |发消息 )
红绿灯重有的
人人家里有盒鞋,鞋盒里面有河蟹,河蟹结伴草泥马,不知不觉和谐你。
回复

使用道具 举报

英子01 发表于 2015-8-5 16:10:09 ( 加好友 |打招呼 |发消息 )
五毫纸条雪条?贵喇!4分钱就有一条!
回复

使用道具 举报

小劳 发表于 2015-8-6 16:55:50 ( 加好友 |打招呼 |发消息 )
我细个,一热嘅时候,我老窦老母就带我去东方宾馆开房……
回复

使用道具 举报

leon568 发表于 2015-8-7 14:37:17 ( 加好友 |打招呼 |发消息 )
叹防空洞,估计冇几个有噉嘅经历。
回复

使用道具 举报

发新帖
您需要登录后才可以回帖 登录 | 注册

120 秒后自动关闭


羊城网改版说明及访问旧版的方法


创办于2000年12月26日的羊城网,从中国互联网的普及开始,就一直陪伴了无数的广州网友一起成长,至今已经整整十八年。

在广州本土的网络媒体之中,当无数的前辈、同辈、乃至后辈已经逐渐凋零于互联网的历史之中时,羊城网却是依然屹立不倒——我们走过了电子邮件列表的时代、论坛社区的时代、博客的时代、社交媒体的时代,直至迎来了移动互联网的时代!

因此,我们在2018年3月1日开始对羊城网进行了十八年来的第八次改版,此次改版的目的是为了因应政府对互联网管理的政策要求和适应移动互联网时代技术的发展需要。直至2018年3月25日,羊城网的改版工作基本完成。

在2012年设计开发的旧版羊城网将会迁移到www.gznf.cn域名下,但为了降低管理和维护成本,将更多的资源投放在新版上,我们在旧版羊城网关闭了新用户注册功能,并停止对程序和数据的维护,但网友仍可继续访问和自行备份曾发表在旧版网站内的内容。如造成不便之处,敬请大家理解!

现在,就让我们体验一个全新改版的羊城网吧!立刻点击:www.gznf.net

Copyrigh 2016 羊城网 All Rights Reserved.   

回顶部