互联网+粤文化
羊记杂货铺:为你发掘众多有故事的本土文创……
发新帖
详细内容

笑爆嘴嘅粤语打油诗,睇完都觉得啲细路真系创意无限啊!

漫画吧 发表于 2015-7-6 |1条回复 |4229次浏览

更多
QQ图片20150706144044.png


你记唔记得你细个讲得最多嘅说话系咩?老师早?校长早?各位早?唔好扮嘢啦,小编同你讲 ,根本大家嘅童年都系好邪恶,虽然未去到杀人放火,但系你每日应该讲过无数次屎尿屁,你仲唔认,唔好同我讲你冇讲过下面呢堆儿童打油诗,唱过呢堆改编歌,如果唔系你童伴都几坎坷!


1.xxx(人名),渣飞机,跌落坑渠执玻璃,返到学校考第尾,返到屋企唔分气,「Be Li 扮难」放臭屁,呀妈以为漏煤气,原来系个衰仔/女放臭屁。

2.xxx(人名)未够18岁, 学人参加游击队,俾人炸到卜卜脆,玛丽医院唔救佢,救护车又车死佢,青山医院医死佢,耶稣为左纪念佢,搵条底裤笠住佢。

3.One More Two More,屎忽大个菠萝,菠萝似粒的,好似朱古力,食咗会生迹,屙屎一滴滴,以后唔敢食。

4.一落楼梯,二楼仆底,三个筋斗,四肢残废,五个伤口,六块胶布,七孔流血,八时死亡,九时出殡,十分抵死,恭喜恭喜!

5.双层人肉巨无霸,曱甴老鼠夹青蛙,白粉烟仔加大麻,食你唔死笑哈哈。

6.肥佬肥腾腾,买旧烧肉去拜神,得到半路屎忽痒,番到屋企就死人。

7.查尔斯王子,通街撩鼻屎,撩到5毫子,拎去买提子。食到屙烂屎,点知厕所冇厕纸,唯有用手指。

8.今天天气beautiful,阿妈叫我买apple,点知去咗disco,见到几个girl,生左几只animal,比呀妈打到underthe table。

9.好大阵箩味传入我鼻,传入我的肺部然后臭死你。

10. 自从你阿妈过左新......加坡 ,你老豆就学人食烟......仔饼, 跟住系天台见你大家姐学人跳楼......腰舞,之后响庙街见到你个妹学人做鸡......蛋仔,跟住又睇到你冲凉......茶饮,见到你大哥系度搞基......关枪,跟住你细佬学人玩大麻......绳,之后你二哥入厕所食屎...路比糖,跟住你三哥成日同二家姐上床...执被,你屋企就咁冇晒生命......面包,最后成家就冇晒幸福......伤风素

11.《生日歌》
恭祝你生日撼穿个头,庆贺你死埋老豆,年年都要乞食,岁岁都要楂兜,恭喜你,恭喜你~

12.《做个勇敢中国人》
做个勇敢中国难民,食错奶粉打错敌人,我为你牺牲,你为我抽筋,终于瓜老衬~

13.《公益金百万行宣传歌》
公益金,百万行,揸支枪,去杀人,为了嗰两蚊~

14.《小小姑娘》
圣诞老人,终生监禁,骑着鹿仔去杀人,看见靓妹剥晒衫裤,见到超人卖底裤

15.《英雄故事》
流鼻血,烂脚指,吓死老妈子,人又老,又冇钱,生存没意义,今日冇公厕,唯有喺街头屙屎,听日有公厕,不记得带厕纸,唯有用....手指!!

16.《Jingle Bells》
耶稣娶老婆,耶稣娶妾侍,耶稣差我三千蚊,家下仲未还,唏!利迭利,利迭利,认真和味 ,借借下,利迭利,三千变六皮!
更多
羊记杂货铺
liangzhongcai 发表于 2015-7-8 08:07:28 ( 加好友 |打招呼 |发消息 )
哩啲全部都系香港嘅打油诗,广州嘅又唔同!
回复

使用道具 举报

发新帖
您需要登录后才可以回帖 登录 | 注册

120 秒后自动关闭


羊城网改版说明及访问旧版的方法


创办于2000年12月26日的羊城网,从中国互联网的普及开始,就一直陪伴了无数的广州网友一起成长,至今已经整整十八年。

在广州本土的网络媒体之中,当无数的前辈、同辈、乃至后辈已经逐渐凋零于互联网的历史之中时,羊城网却是依然屹立不倒——我们走过了电子邮件列表的时代、论坛社区的时代、博客的时代、社交媒体的时代,直至迎来了移动互联网的时代!

因此,我们在2018年3月1日开始对羊城网进行了十八年来的第八次改版,此次改版的目的是为了因应政府对互联网管理的政策要求和适应移动互联网时代技术的发展需要。直至2018年3月25日,羊城网的改版工作基本完成。

在2012年设计开发的旧版羊城网将会迁移到www.gznf.cn域名下,但为了降低管理和维护成本,将更多的资源投放在新版上,我们在旧版羊城网关闭了新用户注册功能,并停止对程序和数据的维护,但网友仍可继续访问和自行备份曾发表在旧版网站内的内容。如造成不便之处,敬请大家理解!

现在,就让我们体验一个全新改版的羊城网吧!立刻点击:www.gznf.net

Copyrigh 2016 羊城网 All Rights Reserved.   

回顶部